Happy Life Sharing
CultureEvent

「鬼馬歌王」尹光與初次登陸香港小劉鴨置富Malls迎新年

小劉鴨,於今個農曆年首次登陸香港,與同樣以風趣見稱的「鬼馬歌王」尹光,以及新晉女團Me& 的3位成員黃淑蔓、連家穎、譚旻萱,一同現身置富Malls旗下置富都會,為「置富Malls · 小劉鴨Duck心應手賀龍年」擔任開幕嘉賓,祝福來年好運齊來,展開歡欣美滿新一年。

被網民暱稱「光B」的尹光於2023年舉辦個人紅館演唱會,又於頒獎禮打入「我最喜愛的男歌手」5強,成為他入行半個世紀以來的最新事業高峰。雖然失落獎項,但無損尹光的愉悅心情。尹光:「人生有起有跌,唔係每件事都會順晒你意思,有人為你鼓掌已經係好好彩,要以最開心嘅心情過每一日。好似小劉鴨咁,遇到咩事都以風趣幽默應對,其實佢同我做人宗旨差唔多,真真正正『有乜睇化唔化 玩個夠』。」

現場粉絲與小劉鴨趁新一年送上特別製作的「我最喜愛的男歌手」獎項,為尹光加冕。尹光:「今年我80歲喇,會繼續唱落去。好開心今日得到粉絲同大家嘅祝福。我祝大家新一年開開心心,再創高峰!」

新晉女團Me&的三位成員原來是小劉鴨粉絲!Feanna黃淑蔓:「我哋有個chat group,成日都會用到小劉鴨sticker,因為真係好得意好搞笑。今日可以見到佢真身,Vian應該最開心,平時佢用得最多小劉鴨嘅sticker。」Vian連家穎:「我真係小劉鴨粉絲嚟,嚟到現場我見到小劉鴨office真係好興奮,頭先已經同pantry嗰隻小劉鴨自拍!」

Mandy譚旻萱與台灣男神陳昊森主演的電影《不是你不愛你》現正上映,Mandy的喊戲獲得觀眾肯定,終於放下心頭大石。Mandy譚旻萱:「第一次做電影主角,收到劇本嘅時候知道有咁多喊戲,已經覺得好大挑戰好緊張,唯有盡力去做。好彩導演同對手都好好,依家觀眾嘅反應都幾正面,我安樂咗好多。希望今年我哋三個可以有更多嘅工作機會,亦都要學下小劉鴨嘅生活態度,適當咁放返輕鬆啲,可以好似尹光前輩咁可以好好享受工作、享受生活。」

發佈留言

發佈留言必須填寫的電子郵件地址不會公開。 必填欄位標示為 *