柏木由紀香港騷晚場秒速售罄！等足八年歌迷狂喜　午場加開門票7月開搶

對好多香港樂迷嚟講，柏木由紀（Yukirin）呢個名，代表嘅係一段充滿回憶嘅青春。自2018年之後，佢嘅歌聲同身影足足有八年冇喺香港出現過。近日終於有好消息，柏木由紀會喺2026年11月7日帶住佢嘅個人演唱會「Yukirin World 2026」重臨香港，選址新蒲崗PORTAL同大家見面。消息一出，晚場門票旋即被苦等多年的樂迷搶購一空，主辦單位見反應咁熱烈，即刻拍板加開同日午場，讓更多支持者有機會親身體驗呢個獨一無二嘅「Yukirin World」。

八年的等待值回票價

這次香港演唱會，未開賣已引來極大關注。由佢仲係AKB48王牌成員嘅年代起，柏木由紀已經累積咗一大班忠實粉絲。2012年她成為AKB48集團第六位個人出道嘅成員，更創下紀錄，擁有自己嘅音樂廠牌「YukiRing」，實力相當紮實。佢嘅個人作品辨識度好高，唔係一味追求勁歌熱舞，而係用溫暖療癒嘅聲線同細膩情感觸動人心。就算唔係佢嘅粉絲，偶然聽到代表作如《火山灰》、《夜風の仕業》（夜風的惡作劇），或者旋律輕快甜美嘅《ショートケーキ》（草莓小蛋糕）同《Birthday wedding》，都好易喺腦度縈繞不散。就係呢種獨特嘅舞台魅力同親和力，令「Yukirin World」呢個招牌喺亞太區各地都咁受歡迎。

驚喜加場！門票搶購攻略一覽

如果你仲未聽過晚場極速售罄嘅盛況，而家仲有補飛機會。為咗回應樂迷嘅熱烈需求，主辦單位海日娛樂傳媒宣布加開午場公演。換句話講，柏木由紀會喺同一日之內同香港粉絲狂歡兩場，相信佢會調整好狀態，將最好嘅一面留畀大家。午場演出時間定喺當日下午1點30分開騷，中午12點30分開放入場。門票將於2026年7月2日（星期四）中午12點正，喺uutix售票網同bilibili會員購兩個平台同步發售。各位上次錯過咗嘅朋友，記得校定鬧鐘，機會真係一閃就過。

全部企位！三種票價與粉絲福利全面睇

今次演唱會選址九龍新蒲崗彩虹道212號THE BURROW 1樓嘅PORTAL，全場站席，氣氛勢必更加熱爆。票價分為三種：SVIP（HKD$1099）、VIP（HKD$899）同普通門票（HKD$699），各票種演出後都設有相應粉絲福利，等大家有機會同柏木由紀近距離互動：

• SVIP (HKD$1099)：可參加親筆簽名明信片手渡會，由柏木由紀親手將簽名明信片交到你手上，並享有交流時間。
• VIP (HKD$899)：同樣享有交流時間，另可獲工作人員派發嘅印刷簽名明信片一張，值得珍藏。
• 普通 (HKD$699)：完場後可參與見送會，親眼望住Yukirin同大家道別，並獲印刷簽名明信片一張。

提提大家，SVIP同VIP嘅具體交流時長，屆時記得留意現場工作人員嘅指引，咁就唔怕錯過任何精彩環節。

把握最後機會　重投Yukirin治癒世界

「Yukirin World 2026 Live in Hong Kong」呢場騷，可說是見證柏木由紀成長同蛻變嘅重要一環。佢嗰種唔單止賣外表，更著重用音樂說故事嘅表演風格，喺現今偶像圈裡面確實別樹一幟。無論係當年螢光幕前支持佢嘅青春回憶，定係被佢後期嘅個人作品圈粉，呢次能夠咁近距離聽佢現場演繹《火山灰》、《草莓小蛋糕》等金曲，現場嘅能量同感染力，絕對唔係隔住個Mon可以比擬。再次提多次大家，午場加場門票7月2日正式開售，想親身感受「Yukirin World」嘅治癒力量，就要把握呢個最後機會，嗱嗱臨去uutix或者bilibili會員購做好準備。

購票平台及活動詳情：uutix&bilibili會員購

購票途徑：

■UUTIX

https://www.uutix.com/detail?pId=3778

■bilibili會員購

https://show.bilibili.com/platform/detail.html?id=1002167

午場發售時間： 2026年7月2日（星期四）中午12:00